Հայաստանի դեսպանի հանդիպումները Լյուքսեմբուրգի համալսարանի ռեկտորի, Էյշի քաղաքապետի և Ստարտափերի տան գործադիր տնօրենրի հետ

08 մարտի, 2021

Մարտի 8-ին դեսպան Տիգրան Բալայանն այցելեց Լյուքսեմբուրգի համալսարան, ուր ռեկտոր Ստեֆան Պալաժի հետ հանդիպմանը քննարկեց նախորդ հանդիպմանը ձեռք բերված պայմանավորվածությունների իրագործման ընթացքը։

Հանդիպումից հետո՝ ռեկտորի ուղեկցությամբ դեսպան Բալայանը շրջայց կատարեց համալսարանի տարածքում, ծանոթացավ տարբեր մասնաշենքերում տեղակայված ուսումնական և գիտահետազոտական կենտրոնների գործունեությանը։

Տիգրան Բալայանի հաջորդ կանգառը Լյուքսեմբուրգի՝ մեծությամբ 2-րդ քաղաք, 2022թ. Եվրոպայի մշակությաին մայրաքաղաք Էյշն էր, որտեղ կայացավ դեսպանի հանդիպումը քաղաքապետ Միշո Ջորջի հետ։ Հանդիպման ընթացքում կողմերը մտքեր փոխանակեցին ապակենտրոնացված համագործակցության հնարավորությունների շուրջ։

Պայմանավորվածություն ձեռք բերվեց գործնական քայլեր ձեռնարկել մշակութային և բարձր տեխնոլոգիաների բնակագավեռներում փոխգործակցության հաստատման վերաբերյալ։

Օրվա վեևրջին հանդիպումը դեսպան Բալայանն անցկացրեց Լյուքսեմբուրգի խոշորագույն Ստարտափերի տանը (House of Startups) ։ Վերջինիս գլխավոր գործադիր տնօրեն Ֆիլիպ Լինստերը ներկայացրեց մեկ տանիքի տակ գործող բազմաթիվ ստարտափերի և միջազգային ընկերությունների գործունեությունը և կենտրոնի ընձեռած հնարավորությունները, որը միտված է՝ խթանելու նորարարական մոտեցումներով բիզնեսների գործունեության արդյունավետության բարձրացմանը։

Հանդիպմանը հանգմանալից քննարկում ծավալվեց երկու երկրների նորարական կենտրոնների համագործակցության հնարավորությունների, փորձի փոխանակման ուղիների շուրջ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր